EXPERIENCIA CONTRA INEXPERIENCIA

Esta claro que por moito que podas aprender nos libros ou che podan contar por experiencias non hai nada como habelo vivido por ti mesmo. Iso e algo único e intransferible. 

Cando eres novo sentes ansia por aprender moitas cousas, vivir moitos momentos, pero a maioría deles non lle das importancia que merecen, van pasando e punto.
 
Non podes crer que sabes todo o que pasa no mundo por haber lido moito, iso e algo importante sí axúdache a culturizarte, a saber o que hai ao teu redor,  pero nono é todo.  E preciso saír e empaparte do mundo exterior,observar  dende as cousas máis sinxelas as máis complicadas. Sabelas analizar ensinarache cousas novas e sobre todo, o máis importante, saber que o viviches por ti mesmo e que o gardaras no teu recordo. 

Outra das cousas moi feitas a miúdo por todas as persoas en xeral, e tirar a toalla no primeiro obstáculo que se atopan. Isto e o máis sinxelo, pero non é o recomendable porque a próxima vez que te volvas atopar nunha situación semellante pasarache o mesmo, e non saberás que facer. O mellor e botarlle valor e loitar polo que desexas. Non todo o mundo está preparado pa enfrontarse os seus medos e poder seguir adiante na busca da maneira de chegar a súa meta. É necesario ter valor e estar seguro das túas posibilidades, tendo isto claro o teu obstáculo estará máis preto de ser superado.